زکریا یونیورسٹی میں صاف پانی کا ضیاع، ٹیوب ویل آپریٹر غائب ہوگیا

زکریا یونیورسٹی میں مین سٹاف کالونی واٹر ٹربائن کے قریب پینے کا صاف پانی گزشتہ کئی دنوں سے ہائی پریشر میں بغیر کسی چیک کے مسلسل ضائع ہو رہا ہے، ٹیوب ویل آپریٹر بھی موجود نہیں ہے جبکہ وائس چانسلر نے اس بارے میں ہدایت بھی جاری کی تھی کہ شام کے اوقات میں پانی اور بجلی کا ضیاع روکنے کےلئے ٹیوب ویل بند رکھے جائیں، مگر ان احکامات کی کھلی خلاف ورزی ہورہی ہے۔

یونیورسٹی حلقوں نے پانی کا ضیاع روکنے اور ٹیوب ویل آپریٹر کے خلاف کارروائی کا مطالبہ کیا ہے ۔