کالج ٹیچرز انٹرن کی بھرتی کا عمل شروع

محکمہ ہائیر ایجوکیشن نے کالج ٹیچرز انٹرن کی بھرتی کا عمل شروع کر دیا، پنجاب میں7ہزار 300سے زائد کالج ٹیچرز چھ ماہ کےلئے بھرتی کئے جائینگے جڈ کے لئے درخواستیں طلب کرلی گئیں۔

تفصیل کے مطابق محکمہ ہائیر ایجوکیشن نے کالج ٹیچرز انٹرن کی بھرتی کا عمل شروع کر دیا ہے، اس حوالے سے پورٹل کھول دیاگیا ہے جہاں سے اپلائی کی جاسکتا ہے۔

تمام کالجز میں خالی آسامیوں پر کالج ٹیچرز انٹرن بھرتی کئے جائیں گے، عارضی اساتذہ کو6ماہ کے لئے بھرتی کیا جائے گا، اساتذہ کو 50 ہزار روپے ماہانہ فراہم کئےجائیں گے، عارضی اساتذہ یکم نومبر سے 30 اپریل 2025 تک بھرتی کئے جائیں گے، رواں سال 5 فیصد اقلیت او ر3 فیصد معذور کوٹہ بھی رکھا گیا۔

عارضی اساتذہ کی تعلیم قابلیت ایم ایس،ایم فل اور پی ایچ ڈی مقرر کی گئی،عارضی اساتذہ کی تعیناتی کے لئےعمر کی کوئی حد مقرر نہیں کی گئی۔