جانوروں میں گانٹھ کی بیماری کے پیش نظر ڈویژنل انتظامیہ نے حکمت عملی تیار کرلی

کمشنر ملتان ڈویژن ڈاکٹر ارشاد احمد نے بتایا کہ تمام منڈیوں کے باہر محکمہ لائیو اسٹاک، کیٹل مارکیٹ کے کیمپ قائم کئے جاچکے ہیں، تمام کیمپوں پر محکمہ لائیو اسٹاک ڈاکٹر،کیٹل مارکیٹ نمائندہ تعینات کیا گیا۔
دوسرے علاقوں سے آنے والے تمام جانوروں کا معائنہ کیا جارہا ہے۔

انہوں نے کہا کہ بیوپاری، مویشی پال حضرات جانوروں کا خصوصی معائنہ کروائیں۔لمپی جلد کی خطرناک بیماری ہے جو کھال سے جسم میں سرایت کرتی ہے۔

متاثرہ جانور کو دوسرے جانوروں سے الگ کرکے اسکا علاج کیا جاتا ہے۔

اس سلسلے میں کمشنر ڈاکٹر ارشاد احمد نے اجلاس کی صدارت بھی کی، جبکہ لائیو سٹاک، کیٹل مارکیٹ کمپنی کے افسران بھی موجود تھے۔