کمشنر ملتان ایڈمنسٹریٹر میٹرو پولیٹن کارپوریشن بن گئے
کمشنر ملتان ڈویژن عامر خٹک نے ایڈمنسٹریٹر میٹروپولیٹن کارپوریشن ملتان کا چارج سنبھال لیا۔
ان کی زیر صدارت میٹروپولیٹن کارپوریشن کے افسران کا اجلاس منعقد ہوا۔
اجلاس میں کمشنر عامر خٹک نے میٹرو پولیٹن کارپوریشن کے معاملات درست کرنے کا الٹی میٹم دیتے ہوئے کہا کہ پبلک ویلفیئر بارے اقدامات کریں، اور شہریوں کو ریلیف دیں۔
کرپشن اور سرخ فیتے کا کلچر کارپوریشن سے ختم کیا جائے۔شہر کی خوبصورتی اور ترقیاتی منصوبوں پر کام تیز کیا جائے گا۔سٹریٹ لائٹس کی تنصیب اور تجاوزات خاتمے کو ترجیح بنایا جائے۔
انہوں نے وارننگ دیتے ہوئے کہا کہ انسداد تجاوزات کارروائی میں بغیر چالان اور جرمانہ سامان واپس کرنے، یا بلا تفریق کارروائی نہ کرنے والے اہلکار کو معطل کر دوں گا۔
انہوں نے واضح کیا کہ ترقیاتی سکیموں کا مکمل فزیکل آڈٹ کرکے ادائیگیاں کی جائیں۔
تمام واٹر فلٹریشن پلانٹس فنکشنل کئے جائیں۔
کمشنر عامر خٹک نے کہا کہ غیر قانونی نقشوں اور ناجائز کمرشلائزیشن کے خلاف کریک ڈاؤن کیا جائے۔
سی ای او میٹروپولیٹن کارپوریشن چوہدری فرمائش علی، دیگر افسران موجود تھے۔