کمشنر ملتان سکواش چیمپئن شپ 2023 کا باقاعدہ آغاز
سپورٹس ڈیپارٹمنٹ ملتان کے زیر اہتمام دی سٹیٹ آف آرٹ سکواش ارینا میں کمشنر ملتان سکواش چیمپئن شپ 2023کا باقاعدہ آغاز ہوگیا۔
افتتاحی تقریب کے مہمان خصوصی کمشنر ملتان انجینئر عامر خٹک نے سکواش میچ کھیل کر چیمپئن شپ کا باقاعدہ آغاز کیا، ان کے ہمراہ رانا ندیم انجم ڈویژنل سپورٹس آفیسر ملتان۔فاروق لطیف ڈسٹرکٹ سپورٹس آفیسر ملتان۔نور خان قیصرانی ٹی ایس او ملتان۔حماد حسن مرزا ڈی ایس ریلوے ملتان ڈویژن ۔اریج فرید صدر ملتان ڈویژن سکواش ایسوسی ایشن۔امجد علی صدیقی چیف آرگنائزر۔صبا حبیب اور سکواش کے کھلاڑیوں کی کثیر تعداد موجود تھی۔
رانا ندیم انجم نے کہا کہ عامر خٹک کی سربراہی میں ملتان میں کھیلوں کی نئی سہولیات میسر آرہی ہیں ۔
ملتان میں پہلا آسڑوٹرف ہاکی اسٹیڈیم اور اب سکواش کورٹ میں چیمپئن شپ ملتان کے کھلاڑیوں کے لیے کسی تحفہ سے کم نہیں ہے، جس پر کھلاڑی ان کے ممنون ہیں۔
کمشنر ملتان انجینئر عامر خٹک نے کہا کہ دنیا بھر میں کھیلوں میں نئی جدتیں سامنے آرہی ہیں، ہمیں اگر عالمی سطح پر اپنے ملک کا نام روشن کرنے والے کھلاڑی تیار کرنے یونگے تو ان کو جدید سہولیات سے آراستہ میدان بھی دینے ہونگے۔
کھیلوں کی ترقی ہمیشہ سے میرا مشن رہا ہے۔تاکہ ہمارے بچے صحت مندانہ ماحول میں دور حاضر کے مطابق اپنی صلاحیتوں کا اظہار کرسکیں۔
سکواش چیمپئن شپ میں کھلاڑیوں کی کثیر تعداد نے حصہ لیا ، ان کے درمیان مقابلے منعقد ہوئے جس میں علی غازی، محمد رضا، علی حیدر اور محمد زاہد نے سیمی فائنلز کے لیے کوالیفائی کرلیا۔
