ملتان: کمشنر کا گرلز ہائی سکول کوٹلہ تلہ خان کا دورہ
کمشنر ملتان ڈویژن عامر کریم خاں نے گورنمنٹ گرلز ہائی سکول کوٹلہ تولے خاں کا دورہ کیا اور عمارت کا جائزہ لیا۔
انہوں نے سکول میں مسنگ فیسلٹیز کو مکمل کرکے سکول فنکشنل کرنے کا حکم دیتے ہوئے کہا کہ عمارت میں لفٹ لگا کر، علاقہ کے سیورج کے مسائل حل کرکے نئے سیشن میں سکول فنکشنل کیا جائے، سٹیٹ آف دی آرٹ بلڈنگ کو چند مسائل کی وجہ سے فنکشنل نا کرنا افسوسناک ہے۔
انہوں نے محکمہ سکول، محکمہ بلڈنگ کو فوری تمام ناپید سہولیات کی فراہمی یقینی بنانے کے احکامات دیے۔
کمشنر عامر کریم نے کوٹلہ تولے خان زیر تعمیر سڑک کا بھی دورہ کیا اور سڑک کی تعمیر میں تاخیر پر سخت برہمی کا اظہار کیا، انہوں نے ہدایت کی کہ عید سے پہلے سڑک کو کارپٹ کرکے فنکشنل کیا جائے، سی او کارپوریشن اقبال خاں بھی موقع پر موجود تھے۔
علاوہ ازیں کمشنر عامر کریم خاں نے علاقے میں سڑک پر سری پائے، پلاسٹک جلانے والوں کیخلاف بھی کارروائی کے احکامات دیے ۔
