کمشنرز کو 50 ہزار ماہانہ الاؤنس دینے کا اعلان
حکومت پنجاب نے تعلیمی بورڈز کے چیئرمینوں کا اضافی چارج رکھنے والے کمشنرز کےلئے 50 ہزار روپے ماہانہ الاؤنس کا اعلان کردیا۔
یہ بھی پڑھیں۔
6 تعلیمی بورڈ کے چیئرمینوں کا چارج کمشنر کے پاس ہوگا
ا س سلسلے میں جاری مراسلے میں کہا گیا ہے کہ وزیر اعلیٰ پنجاب نے تعلیمی بورڈ بہاولپور، ڈیرہ غازی خان ، سرگودھا، ساہیوال ، فیصل آباد اور گوجرنوالہ میں مستقل چیئرمین نہ ہونے کی وجہ سے اضافی چارج ڈویژنل کمشنر کو دے دیا تھا، یہ کمشنر مستقل چیئرمین کی آمد تک کام کرتے رہیں گے، ان کو ماہانہ 50 ہزارروپے اضافی چار ج کا الاؤنس دیاجا ئے گا۔
دوسری طرف ایمپلائز ویلفیر نے اس فیصلے کو قومی خزانے کو نقصان پہنچانے کا اقدام قراردیا ہے۔
رہنماوں کا کہنا ہے کہ امیدواروں کے انٹرویو تک ہوگئے ہیں ، اس لئے تعیناتی ہونا ضروری ہے کمشنرز کو ماہانہ الاؤنسز کے ادائیگی ان کو نوازنے کی کوشش ہے جو افسوس ناک ہے ۔