چیئرمین ایچ ای سی اور زکریا یونیورسٹی کے وائس چانسلرکے درمیان رابطہ
بہاء الدین زکریا یونیورسٹی ملتان کے وائس چانسلر پروفیسر ڈاکٹر منصور اکبر کنڈی نے یونیورسٹی کے مسائل بارے ہائر ایجوکیشن کمیشن اسلام آباد کے چیئرمین ڈاکٹر مختیار احمد سے آن لائن بات چیت کی۔
آن لائن بات چیت میں بہاء الدین زکریایونیورسٹی کے وہاڑی ، لودھراں اور لیہ کیمپس کے این او سی اور فنڈنگ کا مسئلہ حل کرنے کی چیئرمین ایچ ای سی نے یقین دہانی کرائی، جبکہ لودھراں کیمپس کے لیے زمین کے حصول کے لیے حکومت پنجاب سے مل کر کوشش کرنے پر اتفاق کیاگیا۔
اسی طرح بہاء الدین زکریایونیورسٹی ملتان کے انسٹیٹیوٹ آف بائیو ٹیکنالوجی کے پراجیکٹ مدت میں ایکسٹینشن کے لیے بھی بات چیت کی گئی۔
اس موقعہ پر رجسٹرار صہیب راشد خان ، ڈین پروفیسر ڈاکٹر محمد عزیر، ڈائریکٹر پی اینڈ ڈی سیل محمد فاروق ، ڈائریکٹر ڈاکٹربلال ، ڈاکٹر جاوید احمد ، ڈاکٹر محمد حنیف ، بی زیڈیو سب کیمپس لودھراں ڈاکٹر عمران اور ڈاکٹر شاہد فرید بھی موجود تھے۔
