Breaking Newsتازہ ترینجرائم کی دنیا

وزیراعظم کے خلاف نازیبا ٹرینڈ چلانے والا ملزم گرفتار

ایف آئی اے کے سائبر کرائم ونگ نے وزیراعظم کے خلاف ٹرینڈ چلانے والے ملزم سوشل میڈیا ایکٹوسٹ صابر ہاشمی کو گرفتار کرلیا۔

کارروائی کے حوالے سے ایف آئی اے کے سائبر کرائم ونگ کا کہنا ہے کہ ملزم نے چند روز قبل ٹوئٹر پر وزیراعظم عمران خان کے خلاف ٹرینڈ چلایا تھا، جس پر ملزم کے خلاف کارروائی کی گئی۔

ایف آئی اے کے مطابق ملزم صابر ہاشمی کو گرفتار کرکے اس کے قبضے سے موبائل فون اور ڈیجیٹل میڈیا تحویل میں لے لیا گیا ، اور مقدمہ درج کرکے کارروائی کا آغاز کردیا گیا ہے۔

ایف آئی اے ذرائع کے مطابق ملزم کو وزیراعظم کے خلاف نازیبا ٹرینڈ چلانے کے الزام میں گرفتار کیا گیا ہے اور ملزم سے تحقیقات شروع کردی گئی ہیں۔

واضح رہے کہ کچھ دنوں سے وزیراعظم کے خلاف پروپیگنڈہ مہم جاری ہے۔

تحریک انصاف کے سینیٹر فیصل جاوید نے بھی پیر کے روز سینیٹ میں اظہار خیال کرتے ہوئے کہا تھا کہ وزیراعظم اور ان فیملی کے خلاف افواہیں پھیلانے والے گھٹیا لوگ ہیں۔

ان کا کہنا تھا کہ من گھڑت افواہیں پھیلانے والوں کو روکا جائے اور پروپیگنڈا، جھوٹی خبریں پھیلانے والوں کے خلاف کارروائی کی جائے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

پاکستان میں کرونا وائرس کی صورت حال

گھر پر رہیں|محفوظ رہیں