نہم جماعت کے طلباء کے لیے تعلیمی نصاب ذہنی دباؤ کا باعث بننے لگا

نویں کی کتب کی مشکل زبان اور پیچیدہ مواد پر والدین، اساتذہ اور طلباء کی شکایات پر معاملے کا نوٹس لے لیا۔

حکام کا کہنا ہے کہ نہم جماعت کے سلیبس کی وجہ سے طلبا ذہنی تناؤ کا شکار ہیں، ماہرینِ نصاب اور اساتذہ پر مشتمل ٹیم سلیبس کو آسان اور مختصر بنانے پر کام کر رہی ہے، جلد ہی طلبا کو نصاب میں کمی سے متعلق خوشخبری دی جائے گی۔

خیال رہے کہ نہم جماعت کی کتب کو لے کر عرصے سے طلبا، والدین اور اساتذہ کی جانب سے شکایات سامنے آرہی تھیں، جن کا مؤقف ہے کہ موجودہ نصاب نہ صرف عمر کے لحاظ سے سخت ہے بلکہ اس سے طلباء کی کارکردگی اور ذہنی صحت بھی متاثر ہو رہی ہے۔

اساتذہ کا مطالبہ ہے کہ نصاب کو مرحلہ وار آسان بنایا جائے تاکہ طلبا مؤثر انداز میں سیکھ سکیں اور امتحانی دباؤ کم ہو۔