ملتان میں خصوصی تعلیم کے اداروں کی اپ گریڈیشن کا آغاز کر دیا گیا

ڈپٹی کمشنر ملتان محمد علی بخاری نے کہا ہے کہ سپیشل ایجوکیشن اداروں کی اپ گریڈیشن کا آغاز کردیا گیا ہے تاکہ سپیشل بچوں کی مثالی تعلیم و تربیت کی جاسکے۔
ان خیالات کا اظہار انہوں نے گزشتہ روز شاداب انسٹیٹیوٹ آف سپیشل چائلڈز کا دورہ کرتے ہوئے کیا۔

ڈپٹی کمشنر نے سپیشل بچوں کیلئے فراہم سہولیات کی انسپکشن کی اور بریفنگ لی، محمد علی بخاری نے
مختلف شعبوں کا معائنہ کیا اور بچوں سے ملاقات کی۔

ڈپٹی کمشنر نے کہا کہ حکومت پنجاب کا سپیشل بچوں کی بحالی اور تعلیم و تربیت پر خصوصی فوکس ہے، اس سلسلے میں مرحلہ وار تمام سپیشل ایجوکیشن اداروں میں ترقیاتی کام کروائے جارہے ہیں۔