سرکاری سکولوں کو نجی سیکٹر کے مقابل لانے کےلئے اصلاحاتی منصوبہ شروع

ڈپٹی کمشنر وسیم حامد سندھو نے گزشتہ روز گورنمنٹ مسلم گرلز ہائی سکول کلمہ چوک کا اچانک دورہ کیا، اس موقع پر ڈپٹی کمشنر نے طالبات کو فراہم سہولیات کا جائزہ لیا اور کلاس رومزکی انسپیکشن بھی کی۔

ڈپٹی کمشنر نے فیکلٹی اور طالبات سے ملاقات کی اور ان کے مسائل بھی دریافت کیے۔

اس موقع پر سی ای او ایجوکیشن نے ڈپٹی کمشنر کو محکمہ تعلیم کی اصلاحات کے حوالے سے تفصیلی بریفنگ بھی دی۔

ڈپٹی کمشنر وسیم حامد سندھو نے کہا کہ سرکاری تعلیمی اداروں کو نجی سیکٹر کے مقابلے میں لانے کے لیے اصلاحاتی منصوبہ جات جاری ہیں، اس سلسلے میں طلباءکی بہتر گرومنگ کے لیے اساتذہ کی ٹریننگ کا سلسلہ بھی شروع کیا جا رہا ہے۔