سکولوں میں ڈینگی بارے آگاہی مہم کی رپورٹ طلب

محکمہ سکولز نے سکولوں میں انسداد ڈینگی کےلئے چلائی گئی آگاہی مہم بارے آڈٹ شروع کردیا ہے۔

اس سلسلے میں اہم اجلاس 21 جون کو سپیشل سیکرٹری ایجوکیشن کی زیر صدارت ہوگا ،جس میں قائد اکیڈمی کے سربراہان، سی ای اوز ، دانش سکولوں کے سربراہان شرکت کریں گے ۔

اجلاس میں ڈینگی آگاہی مہم کی رپورٹ پیش کی جائے گی ۔

تمام ذمے داروں کو ہدایت کی گئی ہے کہ وہ آگاہی مہم کی تصاویر، سیمینار کے انعقاد کی رپورٹ ، ڈینگی سروے ، ویڈیو کلپ ، ساتھ لائیں ۔

اجلاس میں ڈینگی کے حوالے سے پیش آنے والے ایشوز اور جعلی سرگرمیاں کرنے والوں کے بارے میں بھی معاملہ زیر بحث آئے گا۔