ڈائریکٹر آئی ٹی زکریا یونیورسٹی ریٹائر ہوگئے
زکریا یونیورسٹی ملتان کے ڈائریکٹر آئی ٹی شیخ ممتاز احمد اپنی مدت ملازمت پوری ہونے پر ریٹائرڈ ہوگئے ہیں ۔
شیخ ممتاز احمد کی یونیورسٹی کے لیے خدمات کے اعتراف میں الوداعی تقریب کا انعقاد کیا گیا، جس میں وائس چانسلر پروفیسر ڈاکٹر محمد علی ، رجسٹرار زبیر احمد ، سیکرٹری ٹو وائس چانسلر امین انصاری ، ایڈیشنل رجسٹرار اعجاز احمد ، ایڈیشنل ٹریثرر صفدر لنگاہ سمیت انتظامی افسران نے شرکت کی ۔
وائس چانسلر پروفیسر ڈاکٹر محمد علی نے کہا کہ باعزت ریٹائرمنٹ بھی ایک اعزاز ہے، اور شیخ ممتاز احمد کی یونیورسٹی کے لیے خدمات کو ہمیشہ یاد رکھا جائے گا ۔
شیخ ممتاز احمد نے کہا کہ انہوں نے بہاالدین زکریا یونیورسٹی ملتان کی بہتری اور ترویج وترقی کے لیے اپنی بھرپور صلاحیتوں کا مظاہرہ کیا ، اور ہر ممکن کوشش کی کام کو پورا کیا جائے ۔
یونیورسٹی کے دیگر افسران نے بھی شیخ ممتاز احمد کی خدمات کو بے حد سراہا ۔
آخر میں وائس چانسلر پروفیسر ڈاکٹر محمد علی نے شیخ ممتاز احمد کو پھولوں کا گلدستہ پیش کیا، اور نیک خواہشات کا اظہار کیا ۔
