Breaking NewsNationalتازہ ترین

مضر صحت گوشت فروخت کرنے والے قصابوں کیخلاف کریک ڈاؤن

ڈپٹی کمشنر ملتان محمد طاہر وٹو کی قیادت میں ضلعی انتظامیہ نے گزشتہ روز غیر قانونی مذبح خانوں اور مضر صحت گوشت فروخت کرنے والے قصابوں کیخلاف کریک ڈاؤن کیا۔

اس موقع پر ڈپٹی کمشنر طاہر وٹو کی سربراہی میں منظور آباد،کوٹلہ تولے خاں اور اندرون شہر ایکشن لیتے ہوئے بغیر سٹمپ اور بیمار گوشت فروخت کرنے والے 5 قصاب گرفتار کرلئے گئے۔

ڈپٹی کمشنر نے موقع پر بیمار گوشت برآمد ہونے پر ملزم گرفتار کراکے حوالات بھیج دیے۔

کارروائی میں اسسٹنٹ کمشنر سٹی خواجہ عمیر محمود بھی ہمراہ تھے۔

بعد ازاں ناقص گوشت کی شکایات پر ڈپٹی کمشنر نے اچانک سلاٹر ہاؤس کی بھی انسپکشن کی اس موقع پر ذبح کئے گئے جانوروں کے گوشت کی سکریننگ نہ ہونے پر محکمہ لائیو سٹاک اور ٹھیکدار کی شدید سرزنش کی، اور وارننگ بھی ایشو کی۔

ڈپٹی کمشنر طاہر وٹو کا کہنا تھا کہ شہریوں کو مضر صحت گوشت کھلانے والے کسی رعایت کے مستحق نہیں۔

ضلعی انتظامیہ کسی جگہ غیر قانونی سلاٹرنگ نہیں ہونے دے گی۔

طاہر وٹو کا کہنا تھا کہ ضلع بھر میں اسسٹنٹ کمشنرز کی سربراہی میں گوشت کی چیکنگ کیلئے ٹیمیں تشکیل دے دی گئیں ہیں۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button

پاکستان میں کرونا وائرس کی صورت حال

گھر پر رہیں|محفوظ رہیں