Breaking NewsNationalتازہ ترین

جعلی و زائد المعیاد ادویات کی فروخت میں ملوث میڈیکل سٹورز کیخلاف کریک ڈاؤن

ڈپٹی کمشنر ملتان عامر کریم خاں نے کہا ہے کہ جعلی و زائد المعیاد ادویات کی فروخت میں ملوث میڈیکل سٹورز کیخلاف کریک ڈاؤن کا آغاز کردیا گیا ہے۔
اس سلسلے میں محکمہ صحت کی خصوصی ٹیمیں تشکیل دے دی گئی ہیں۔

انہوں نے کہا کہ بغیر لائسنس اور ڈرگ ایکٹ کی خلاف ورزی پر 7 سے زائد میڈیکل سٹورز کے کیسز عدالت ارسال کئے گئے ہیں ۔

ان خیالات کا اظہار انہوں نے گزشتہ روز ڈپٹی کمشنر آفس میں ڈرگ کوالٹی کنٹرول بورڈ کے اجلاس کی صدارت کرتے ہوئے کیا۔

اجلاس میں ایڈیشنل ڈپٹی کمشنر جنرل رضوان نذیر،سی سی او ہیلتھ ڈاکٹر شعیب گورمانی نے بھی شرکت کی ۔

ڈپٹی کمشنر عامر کریم خاں نے کہا کہ ڈرگ کوالٹی کنٹرول بورڈ نے متعدد میڈیکل سٹور مالکان اور عطائیوں کو جرمانے بھی عائد کئے ہیں کیونکہ انسانی جانوں سے کھیلنے والے کسی رعایت کے حقدار نہیں۔

ڈپٹی کمشنر نے بتایا کہ نشہ آور ادویات و انجکشن کی فراہمی میں ملوث مافیا کو بھی شکنجے میں لینگے۔

اس موقع پر ڈرگ ایکٹ کی خلاف ورزی کرنے والے میڈیکل سٹورز کے کیسز کی سماعت کی گئی اور فیصلے سنائے گئے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button

پاکستان میں کرونا وائرس کی صورت حال

گھر پر رہیں|محفوظ رہیں