جعلی زرعی ادویات اور پانی چوری کیخلاف کریک ڈاؤن کا فیصلہ

ڈپٹی کمشنر ملتان عامر کریم خاں کی ہدایت پر ضلعی انتظامیہ نے جعلی زرعی ادویات اور پانی چوری کیخلاف کریک ڈاؤن کا فیصلہ کیا ہے۔

اس سلسلے میں اسسٹنٹ کمشنرز اور محکمہ زراعت کی خصوصی ٹیمیں تشکیل دے دی گئیں ہیں۔

ڈپٹی کمشنر نے کہا کہ کھاد و زرعی ادویات کے سیمپل لیکر مافیا کے خلاف مقدمات درج کروائے جائیں۔

ان خیالات کا اظہار انہوں نے گزشتہ روز ایگری کلچر ایڈوائزری کمیٹی کے اجلاس کی صدارت کرتے ہوئے کیا۔

ڈپٹی کمشنر عامر کریم خاں نے کہا کہ کسانوں کو کپاس کے ناقص بیجوں کے نقصانات سے آگاہ کیا جائے، جبکہ پیدوار بڑھانے کیلئے محکمہ زراعت خصوصی آگاہی مہم چلائے۔

عامر کریم خاں نے کہا کہ کسان نمائندگان کی زرعی پالیسی کے حوالے سے تجاویز حکومت پنجاب کو بھجوائیں گے ، اور جعلی زرعی ادویات پر درج مقدمات کی موثر پیروی بھی کی جائے گی۔