Breaking NewsNationalتازہ ترین

صدیوں پرانی تہذیب کو اجاگر کرنے کیلئے دلکش ملتان کا منصوبہ شروع

ڈپٹی کمشنر ملتان طاہر وٹو نے کہا کے کہ شہر اولیاءکی تاریخی عمارات اور صدیوں پرانی تہذیب کو اجاگر کرنے کیلئے دلکش ملتان کا منصوبہ شروع کردیا گیا ہے ۔

اس سلسلے میں پہلے مرحلے میں چوک گھنٹہ گھر کی بلڈنگ کی اپ گریڈیشن اور لائٹنگ کا آغاز کردیا گیا ہے تاکہ شہریوں کا خوشگوار احساس دلایا جاسکے۔

ان خیالات کا اظہار انہوں نے گزشتہ روز چوک گھنٹہ گھر بلڈنگ میں لائیٹنگ کے منصوبے کا افتتاح کرتے ہوئے کیا ۔

اس موقع پر والڈ سٹی پراجیکٹ کے افسران بھی انکے ہمراہ تھے ۔

ڈپٹی کمشنر طاہر وٹو نے کہا کہ ضلعی انتظامیہ نے والڈ سٹی پراجیکٹ کے تحت گھنٹہ گھر کو رات کے اوقات میں دلکش بنانے کیلئے خوبصورت لائٹس لگائی گئی ہیں ، جبکہ عمارت کا سٹرکچر بھی بہتر کیا جارہا ہے۔

طاہر وٹو نے کہا کہ اگلے مرحلے میں دہلی گیٹ اور تاریخی فصیل کو بھی لائٹنگ اور لینڈ سکیپنگ کے ذریعے تاریخی مقام کے طور پر بہتر کیا جائے گا۔

ڈپٹی کمشنر کا کہنا تھا کہ والڈ سٹی پراجیکٹ کو صحیح معنوں میں پایہ تکمیل تک پہنچایا جائے گا ، اور تمام سکیموں کو مکمل کیا جائے گا۔

قبل ازیں والڈ سٹی پراجیکٹ کے افسران محمد حسن،محمد سرمد اور محمد عمیر نے تاریخی عمارات کی بحالی کے حوالے سے بریفنگ بھی دی ۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

پاکستان میں کرونا وائرس کی صورت حال

گھر پر رہیں|محفوظ رہیں