سپورٹس ڈیپارٹمنٹ میں قائم پرائم منسٹر یوتھ سپورٹس پروگرام ڈیسک کی شاندار کارکردگی
پرائم منسٹر یوتھ سپورٹس پروگرام کے سلسلہ میں سپورٹس ڈیپارٹمنٹ ملتان کے زیر اہتمام سپورٹس کمپلیکس ملتان میں قائم رجسٹریشن ڈیسک کا ملک رضوان سابق چیرمین سپورٹس کمیٹی ملتان نے دورہ کیا ۔
اس موقع پر ڈسٹرکٹ سپورٹس آفیسر ملتان فاروق لطیف، ٹی ایس او ملتان صدر نور خان قیصرانی نے ان کو رجسڑیشن کے طریقہ کار سے متعلق بریفننگ دی۔
اس موقع پر ملک رضوان نے کہا کہ پرائم منسٹر یوتھ سپورٹس پروگرام وزیر اعظم شہباز شریف کا ایک احسن اقدام ہے، جس سے نوجوان کھلاڑیوں کی حوصلہ افزائی ہوگی، اور ان کو مختلف مرحلوں میں بہترین ٹیموں کے ساتھ مقابلے کرکے بہت کچھ سیکھنے کا موقع ملے گا۔جس سے وہ بین الااقوامی سطح پر ملک پاکستان کا نام روشن کریں گے۔
انہوں نے کہا کہ زیادہ سے زیادہ نوجوانوں کو ان صحت مندانہ سرگرمیوں کی طرف مائل کرنا ہم سب کا مشن ہے۔
اس موقع پر انہوں نے سپورٹس کمپلیکس میں جاری رجسٹریشن کا عمل کو تسلی بخش قرار دیا۔
