فوڈ سائنس اینڈ نیوٹریشن کے سکالر ڈاکٹر حافظ ریحان ندیم کی پی ایچ ڈی مکمل
بہاء الدین زکریایونیورسٹی ملتان کے شعبہ فوڈ سائنس اینڈ نیوٹریشن کے پی ایچ ڈی سکالر ڈاکٹر حافظ ریحان ندیم نے اپنے مقالے کا کامیابی سے دفاع کیا۔
پبلک ڈیفنس کے دوران ڈاکٹر حافظ ریحان ندیم نے سوالات کے جوابات دیے ،اور اپنی تحقیقی سرگرمیوں کے دوران ہونے والے تجربات سے شرکاء کو آگاہ کیا۔
اس پبلک ڈیفنس میں چکن گوشت کی پروڈکٹس کو مصنوعی اجزاء سے محفوظ کرنے کی بجائے نیچرل اجزاء سے محفوظ کرنے پر تجاویز پیش کی گئیں۔
مزید یہ کہ نیاز بو کی لوکل پیداوار اور اس سے آئل نکال کرکے استعمال کرنے اور ایکسپورٹ کرنے کی ترغیب بھی دی گئی۔
ڈاکٹر ریحان ندیم کے سپروائزر ڈائریکٹر شعبہ فوڈ سائنس اینڈ نیوٹریشن پروفیسر ڈاکٹر سعید اختر تھے جبکہ ایکسٹرنل ایگزامینر پروفیسر ڈاکٹر طاہر ظہور تھے۔
اس موقعہ پر ڈین فیکلٹی آف ایگری کلچر پروفیسر ڈاکٹر حکومت علی ، چیئرمین شعبہ فوڈ سائنسز ایگری کلچر یونیورسٹی ملتان پروفیسر ڈاکٹر عمر فاروق ، ڈاکٹر محمد ریاض ، ڈاکٹر توصیف سلطان ، ڈاکٹر طارق اسماعیل ، ڈاکٹر انیلہ حمید ، ڈاکٹر ماجد حسین ، ڈاکٹر عامر اسماعیل ، ڈاکٹر خرم افضل ، ڈاکٹر میمونہ ، ڈاکٹر عدنان امجد ، ڈاکٹر در شہوار ، ڈاکٹر سمیم ، ڈاکٹر قمر سلیم ، ڈاکٹر خرم اور طلباء طالبات کی کثیر تعداد موجود تھی۔