ڈاکٹر عشرت حسین کا زرعی یونیورسٹی کا دورہ
ایم این ایس زرعی یونیورسٹی میں سابق گورنر اسٹیٹ بینک ڈاکٹر عشرت حسین کا دورہ کیا۔
وائس چانسلر پروفیسر ڈاکٹر آصف علی (تمغہ امتیاز) سے ملاقات کے دوران انہوں نے کہا کہ جنوبی پنجاب میں زراعت کے شعبے میں ترقی کے لئے زرعی یونیورسٹی ملتان کا کردار انتہائی اہم ہے، زراعت کے شعبے میں ترقی کے لئے یونیورسٹی اور انڈسٹری کو مل کر کام کرنے کی ضرورت ہے۔
انہوں نے اس حوالے سے یونیورسٹی کی خدمات کو سراہا۔
پروفیسر ڈاکٹر آصف علی نے بتایا کہ یونیورسٹی ریسرچ اور آؤٹ ریج میں انڈسٹری کو ساتھ لے کر چلتی ہے۔
اس کے علاوہ انڈسٹری اور یونیورسٹی کے اشتراک سے کسانوں کی رہنمائی کے لیے مختلف سیمینار اور ورکشاپس منعقد کئے جاتے ہیں۔
ڈاکٹر عشرت حسین نے یونیورسٹی کی کاوشوں کو سراہا۔اس موقع پر پروفیسر ڈاکٹر شفقت سعید، پروفیسر ڈاکٹر عرفان احمد بیگ اور سی ای۔او۔رائز اے جی غلام فرید بھی موجود تھے۔
