ایمرسن یونیورسٹی کی ایکسپو سینٹر میں شرکت

ایمرسن یونیورسٹی ملتان نے پنجاب ہائیر ایجوکیشن کمیشن کے زیر اہتمام لاہور ایکسپو سینٹر میں منعقدہ پائن ٹیک ایکسپو 2025 میں بھرپور شرکت کرتے ہوئے اپنی بھرپور موجودگی کا احساس دلایا۔

یونیورسٹی کے مختلف شعبہ جات کی جانب سے تیار کردہ 12 سے زائد سائنسی و تخلیقی منصوبے نمائش میں پیش کیے گئے، جنہیں شرکاء اور ماہرین کی جانب سے بے حد سراہا گیا۔

نمائش میں پیش کیے گئے نمایاں منصوبوں میں ہیلتھ ٹریکر سسٹم، کلین پاکستان پروجیکٹ، اینٹی سائبر ایپلی کیشن، ایمرسن کاروا ٹائیز اینڈ بسواٹائز، بلڈ ڈپریشن اسکریننگ ٹیسٹ، ایڈیبل مشروم اور شرمز پروجیکٹ، رئیل ٹائم ایمولوشن ماڈل، مائیکرو اسکیل انرجی ہارویسٹنگ سسٹم، انفلونزا ڈرگ ایفیشنسی ماڈل، بائو بلوم سینیٹائزرز اور واٹر پیوری فیکیشن پروجیکٹ شامل تھے، جو کہ طلبہ و طالبات کی اختراعی سوچ اور تخلیقی صلاحیتوں کا مظہر تھے۔