ایمرسن یونیورسٹی کی ایف اینڈ پی سی کا اجلاس، بجٹ کی منظوری دے دی گئی

ایمرسن یونیورسٹی ملتان کی دوسری فنانس اینڈ پلاننگ کمیٹی کا اجلاس وائس چانسلر پروفیسر ڈاکٹر محمد رمضان کی صدارت میں منعقد ہوا، جس میں ہائیر ایجوکیشن کمیشن اسلام آباد، فنانس ڈیپارٹمنٹ اور پنجاب ہائیر ایجوکیشن ڈیپارٹمنٹ کے نمائندوں نے شرکت کی۔

خزانہ دار ڈاکٹر معید احمد نے ایجنڈا آئٹمز پیش کیے۔

اجلاس میں ایمرسن یونیورسٹی کے 2022۔23 کے سالانہ بجٹ کی منظوری دی گئی۔

اس کے علاوہ اساتذہ کے مشاہرہ میں اضافہ، شعبہ کیمیا میں سنٹر آف ایکسیلینس، نئے شعبہ جات، ایم فل پروگرامز کے آغاز، طلبا و طالبات کے لیے سکالرشپس، سپورٹس کمپلیکس کی تعمیر اور مختلف ترقیاتی منصوبہ جات کی اجازت دی گئی ہے۔