تعلیمی بورڈ ملتان: دو بڑے یونین لیڈروں کی ملاقات

ایمپلائز یونین تعلیمی بورڈ ملتان کے نو منتخب صدر ملک نثار کا کہنا ہے کہ ملازمین کے حقوق کاتحفظ اولین ترجیح ہے، انہوں نے جس اعتماد کا اظہار کیا ہے اس پر پورا اتریں گے، وہ مبارکباد کےلئے آنے والے وفود سے گفتگو کررہے تھے۔

اس موقع پر دیگر عہدیدار بھی موجود تھے، آنے والے وفود میں سابق ای ڈی او اشفاق گجر، ایمپلائز یونین زکریا یونیورسٹی کے سابق صدر ملک صفدر اور دیگر عہدیدار شامل تھے۔

ملک نثار کا کہنا تھا کہ بورڈز ایمپلائز اس وقت نازک دور سے گزر رہے ہیں، اس لئے اتفاق کی ضرورت ہے سب کو ملکر اپنے مسائل سے نمٹنا ہوگا جلد ہی تعلیمی بورڈز فیڈریشن کے الیکشن بھی منعقد کروائے جائیں گے۔

ملک صفدر کا کہنا تھا کہ ملک نثار نے ملازمین کی خدمت کا مشن شروع کر رکھا ہے، یہی وجہ ہے کہ وہ مسلسل 2013 سال سے فاتح چلے آرہے ہیں، امید ہے وہ مستقبل میں بھی ملازمین کی خیر خواہی کےلئے کام کرتے رہیں  گے ۔