سجام کے سابق صدر اور کرک اگین ڈاٹ کام کے ایڈیٹر حافظ عمران عثمانی کی ہمشیرہ انتقال کرگئیں

سینئر صحافی، سپورٹس جرنلسٹ ایسوسی ایشن ملتان (سجام) کے سابق صدر اور کرک اگین ڈاٹ کام کے ایڈیٹر حافظ عمران عثمانی کی ہمشیرہ طویل علالت کے بعد انتقال کر گئیں، ان کی نماز جنازہ کل (جمعرات) صبح 10 بجے خیرالمدارس، ملتان میں ادا کی جائے گی، وہ اڑھائی سال سے کینسر سے نبرد آزما تھیں، بدھ کی رات خالق حقیقی سے جا ملیں۔

دریں اثنا ترجمان سپورٹس جرنلسٹس ایسوسی ایشن ملتان کا کہنا ہے کہ ایسوسی ایشن دکھ کی اس گھڑی میں عمران عثمانی اور ان کے اہل خانہ کے ساتھ گہری ہمدردی کا اظہار کرتی ہے، اللہ تعالیٰ مرحومہ کو جنت الفردوس میں اعلیٰ مقام عطا فرمائے اور لواحقین کو صبر جمیل عطا کرے۔