Breaking NewsNationalتازہ ترین

قومی اسمبلی میں وفاقی بجٹ 23- 2022 منظور

قومی اسمبلی میں وفاقی بجٹ برائے سال 2022-23 کی منظوری دے دی گئی ہے، ایوان نے اپوزیشن کی تمام تجاویز کثرت رائے سے مسترد کردیں۔

قومی اسمبلی میں وفاقی بجٹ برائے سال 2022-23 کی منظوری دے دی گئی ہے، ایوان نے اپوزیشن کی تمام تجاویز کثرت رائے سے مسترد کردیں، وزیرخزانہ مفتاح اسماعیل نے فنانس بل2022- 23ایوان میں پیش کیا، جس کی ایوان نے منظوری دی۔

یہ بھی پڑھیں۔

9.5 کھرب روپے کا بجٹ پیش، خسارہ 500 ارب سے زائد

قومی اسمبلی کا اجلاس اسپیکر راجا پرویز اشرف کی زیر صدارت منعقد ہوا ، جس میں فنانس بل وزیر مملکت برائے خزانہ عائشہ غوث پاشا نے ایوان میں پیش کیا اور اراکین نے اس بل کی شق وار منظوری دی۔

جس کے تحت 15 سے 30 کروڑ روپے سالانہ آمدن پر ایک سے 4 فیصد سپر ٹیکس عائد کرنے، 30 کروڑ سے زائد سالانہ آمدن والے 13 شعبوں پر 10 فیصد سپر ٹیکس عائد کرنے کی منظوری دی گئی جب کہ ایئر لائنز، آٹوموبائل، مشروبات، سیمنٹ، کیمیکل، سگریٹ، فرٹیلائزر، اسٹیل، ایل این جی ٹرمینل، آئل مارکیٹنگ، آئل ریفائننگ، فارماسوٹیکل، شوگر اور ٹیکسٹائل انڈسٹریز کے علاوہ بینکنگ سیکٹر پر بھی 10فیصد سپر ٹیکس عائد کرنے کی منظوری دی گئی۔

بجٹ میں تنخواہ دار طبقے پر ریلیف ختم کرنے اور تنخواہ دار طبقے کے لیے نئی ٹیکس شرح کی بھی منظوری دی گئی، اس کے علاوہ پٹرولیم مصنوعات پر 50 روپے فی لیٹر لیوی عائد کرنے کی ترمیم بھی منظور کرلی گئی۔

اس موقع پر وزیر مملکت برائے خزانہ عائشہ غوث پاشا نے کہا کہ تسلیم کرتے ہیں کہ بجٹ میں تبدیلی آئی ایم ایف کی وجہ سے کی گئی ہیں لیکن یہ وہ تبدیلیاں ہیں جو گزشتہ حکومت نے مان لی تھیں، 80 فیصد ترامیم براہ راست ٹیکسوں سے متعلق کی گئی ہیں، ہمارا مقصد امیروں پر ٹیکس لگانا اور غریبوں کو ریلیف دینا ہے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button

پاکستان میں کرونا وائرس کی صورت حال

گھر پر رہیں|محفوظ رہیں