Breaking NewsNationalتازہ ترین

وفاقی حکومت نے گورنر پنجاب کو عہدے سے ہٹا دیا

وفاقی حکومت نے گورنر پنجاب عمر سرفراز چیمہ کو عہدے سے ہٹا دیا ہے۔

عمر سرفراز چیمہ نے ہنگامی پریس کانفرنس طلب کر رکھی تھی، انھوں نے پریس کانفرنس میں وزیر اعلیٰ پنجاب کے انتخاب پر مؤقف دینا تھا، اور سیکریٹری اسمبلی کی رپورٹ کا جائزہ لینے کے بعد اہم اعلان کرنے والے تھے، اس سلسلے میں انھوں نے پرویز الہٰی سے ملاقات کے بعد لائحہ عمل بھی بنا لیا تھا۔

عمر سرفراز چیمہ نے پریس کانفرنس کرتے ہوئے کہا کہ آئینی عہدے پر بیٹھ کر کسی غیر آئینی اقدام کی توثیق نہیں کر سکتا، ایڈووکیٹ جنرل پنجاب سے بھی رائے طلب کر لی ہے، وزیر اعظم کے پاس مجھ کو عہدے سے ہٹانے کا اختیار نہیں ہے، یہ اختیار صدر کے پاس ہے، عہدے سے ہٹانے کے لیے وزیر اعظم سمری بھیجیں گے اور صدر نوٹیفائی کریں گے۔

عمر سرفراز چیمہ نے مزید کہا میں نو منتخب وزیر اعلیٰ پنجاب حمزہ شہباز کی تقریب حلف برداری مؤخر کر دی ہے، میرے پاس معلومات آئیں تو میں نے رپورٹ منگوالی، رپورٹ کی روشنی میں تقریب حلف برداری کو مؤخر کیا ہے، رپورٹ میں کچھ نہ ہوتا تو تقریب حلف برداری ہو جاتی۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button

پاکستان میں کرونا وائرس کی صورت حال

گھر پر رہیں|محفوظ رہیں