میٹرک امتحانات میں خواتین اساتذہ کی گھروں سے دور تعیناتیاں کردی گئیں

چار مارچ سے شروع ہونے والے میٹرک کے امتحانات میں خواتین اساتذہ کی گھروں سے دور ڈیوٹیاں لگادی گئیں جس کی وجہ سے اساتذۃ کمیونٹی میں بے چینی کی لہر دوڑ گئی۔

پنجاب ٹیچرز یونین نے امتحان میں شفافیت کیلئے چیئرمین منسٹر ٹاسک فورس کو مراسلہ تحریر کردیا جس میں کہاگیا ہے کہ امتحانی عملہ کو گھروں کے قریب تعینات کیا جائے، سولہ کلومیٹر سے دور تعیناتی پر ٹریول الاؤنس دیا جائے، خواتین اساتذہ کو امتحانی ڈیوٹیوں کیلئے مجبور نہ کیا جائے۔

امتحانی معاوضہ میں سو فیصد اضافہ کیساتھ ایک ماہ میں ادائیگی ممکن بنائی جائے، سرکاری اساتذہ کی جانب سے ڈیوٹی سے انکار پر یکطرفہ کارروائی نہ کی جائے۔

انہوں نے مطالبہ کیا کہ سپروائزری اور مانیٹرنگ سٹاف کے ساتھ امتحانی مراکز میں پولیس کا داخلہ بند کیا جائے۔