آمدنی بڑھانے کےلئے زکریا یونیورسٹی کے گیلانی لا کالج میں چار ڈپلومے شروع کرنے کا فیصلہ
بہاء الدین زکریا یونیورسٹی ملتان کے گیلانی لاء کالج نے انکم میں اضافے کےلئے چار نئے پروگرام شروع کرنے کا فیصلہ کیا یے۔
اطلاعات کے مطابق یونیورسٹی گیلانی لاء کالج قانون کے متنوع شعبے میں ویک اینڈ پروگرام کے طور پر درج ذیل 04 ڈپلومے پیش کر رہا ہے جو کہ امیدواروں کے لیے قانون کے دائرہ کار میں اپنی نظریاتی اور عملی نمائش کو بڑھانے کے لیے عملی اہمیت رکھتا ہے۔
ان میں ٹیکسیشن قوانین میں ڈپلومہ، کاروبار اور کارپوریٹ قانون میں ڈپلومہ، انسانی حقوق کے قانون میں ڈپلومہ اور عائلی قوانین میں ڈپلومہ شامل ہے۔
ان میں داخلے کےلئے امیدواروں نے اپنی انڈر گریجویٹ ڈگری کسی تسلیم شدہ یونیورسٹی سے مکمل کی ہو۔
سمسٹر سسٹم کے تحت کم از کم مطلوبہ سی جی پی اے یا سالانہ سسٹم کے تحت 50% نمبر ہونا ضروری ہے، کورس کا دورانیہ ایک سال ہے درخواست دینے کی آخری تاریخ 20 اپریل مقرر کی گئی ہے۔
