شہر اولیاء کے باسیوں کیلئے پینے کے صاف پانی کی سہولت فراہمی بارے اچھی خبر

کمشنر ملتان ڈویژن ڈاکٹر ارشاد احمد نے بتایا کہ ملتان میں پنجاب آب پاک اتھارٹی یونیسیف کے اشتراک سے 29 نان فنکشنل واٹر فلٹریشن پلانٹس فعال کرے گی۔

یہ بات انہوں پنجاب آب پاک اتھارٹی کے ڈپٹی ڈائریکٹر غلام مرتضیٰ کی ملاقات میں بتائی۔

سکولوں میں 100,واسا کے65, کارپوریشن کے 56 واٹر فلٹریشن پلانٹس فعال ہیں۔ تمام واٹر پلانٹس کے اوپر فلٹر تبدیلی بارے تاریخ مدت لکھنے کی ہدایت کی گئی ہے۔

صاف پانی کی فراہمی سے بیماریوں کی روک تھام میں مدد ملے گی۔

ڈاکٹر ارشاد احمد نے کہا کہ صاف پانی زندگی ہے، اس کی فراہمی ہر شہری تک یقینی بنا رہے ہیں۔

پنجاب آب پاک اتھارٹی نے پیپر ورک شروع کردیا ہے۔3 ماہ میں 29واٹر فلٹریشن پلانٹس کو فعال کردیا جائے گا۔

اس موقع پر متعلقہ افسران بھی موجود تھے۔