گوگل نے پاکستانی طلباء کے لیے تعلیمی پیشکش کا اعلان کردیا
اس پروگرام کے تحت 18 سال یا اس سے زائد عمر کے طالبعلم گوگل اے آئی پرو پلان کی ایک سالہ سبسکرپشن مفت حاصل کر سکتے ہیں، یہ بلا معاوضہ پیشکش طلباء کو جدید اے آئی ٹولز کے ذریعے اپنی تعلیم، تحقیق اور تخلیقی صلاحیتوں کو بہتر بنانے میں مدد فراہم کرنے کے لیے تیار کی گئی ہے۔
واضح رہے کہ گوگل اے آئی پرو پلان کی پاکستان میں ماہانہ فیس 5600 روپے ہے جیمینائی اے آئی پرو پلان کے تحت 18 سال یا اس سے زائد عمر کے طلباء گوگل کی جدید ترین اے آئی خصوصیات تک رسائی حاصل کر سکیں گے، جن میں جدید ترین جیمنائی 2.5 ماڈل تک زیادہ رسائی فراہم کی جائے گی، تاکہ طلباء ڈیپ ریسرچ جیسے فیچرز استعمال کر سکیں جو اسائنمنٹس، تحقیق اور تخلیقی منصوبوں میں معاون ثابت ہوتے ہیں۔
جیمنائی گوگل ایپس کی صورت میں اے آئی کی معاونت کو براہِ راست جی میل، شیٹس، ڈاکس، سلائیڈز اور میٹ میں شامل کیا گیا ہے، تاکہ طلبا ای میلز کا خلاصہ تیار کر سکیں، مطالعے کے لیے پریزنٹیشنز بنا سکیں اور ڈیٹا کا زیادہ مؤثر طریقے سے تجزیہ کر سکیں۔
نوٹ بک ایل ایم گوگل کا ذاتی نوعیت کا اے آئی سے چلنے والا تحقیقی اور تحریری ٹول ہے، جو طلباء کو 5 گنا زیادہ آڈیو اوور ویوز، نوٹ بکس اور دیگر فیچرز فراہم کرتا ہے کری ایٹ ڈائنامک ویڈیوز، تحریر یا تصاویر سے کام لینے کے لیے زیادہ حدود کے ساتھ جدید ٹولز تک رسائی حاصل ہوگی، جن میں جیمنائی میں شامل ویو 3 اور فلو جیسے فیچرز شامل ہیں۔
2TB کلاؤڈ اسٹوریج: طلبا کو گوگل ڈرائیو، جی میل اور فوٹوز میں وافر اسٹوریج فراہم کی جائے گی، تاکہ وہ اپنے نوٹس، پراجیکٹس، اور دیگر تعلیمی مواد کو محفوظ کر سکیں، یہ پیشکش گوگل کے اس وسیع تر مشن کا حصہ ہے جس کا مقصد ہر طالبعلم کو ایسے اے آئی ٹولز فراہم کرنا ہے جن کی انہیں اپنی تعلیم میں پیشرفت اور تخلیقی صلاحیتوں کو اجاگر کرنے کے لیے ضرورت ہے۔
جیمینائی اے آئی پرو پلان اب پاکستان سمیت ایشیاء پیسفک خطے کے متعدد ممالک میں دستیاب ہے۔
