Breaking NewsNationalتازہ ترین

لگژری اور غیر ضروری اشیاء کی درآمد پر عائد پابندی ختم کردی گئی

وزیر خزانہ مفتاح اسماعیل کی زیر صدارت اقتصادی رابطہ کمیٹی (ای سی سی) کا اجلاس ہوا، جس میں لگژری اور غیرضروری اشیاء کی درآمد پر عائد پابندی ختم کردی گئی۔

اجلاس کے اعلامیے کے مطابق لگژری، غیرضروری اشیاء کی درآمد پر پابندی 30 جون 2022 تک لگائی گئی تھی۔

علاوہ ازیں ای سی سی نے 5 لاکھ ٹن گندم درآمد کرنے کی منظوری بھی دے دی، افغانستان سے پاکستانی روپے میں درآمدات کی اجازت بھی دے دی گئی ہے۔

اعلامیہ میں کہا گیا کہ ای سی سی نے یوٹیلیٹی اسٹورز پر 5 بنیادی اشیاء پر سبسڈی جاری رکھنے کی منظوری دی۔

جانوروں میں لمپی اسکن بیماری کو نیشنل ڈیزیز ایمرجنسی قرار دینےکی سمری اجلاس میں پیش کی گئی ، جبکہ ای سی سی نے صوبائی سیکرٹریز، این ڈی ایم اےکی میٹنگ کے بعد پلان شیئر کرنے کی ہدایت کی۔

اس کے علاوہ ٹیلی کام لائسنس کے اجراء کیلئے کمیٹی قائم کردی گئی۔

خیال رہے کہ حکومت نے 19 مئی کو ملک کی تیزی سے بگڑتی ہوئی معیشت کو سہارا دینے کیلئے معاشی ایمرجنسی کی بنیاد پر لگژری غیر ملکی اشیاء کی امپورٹ پر مکمل پابندی عائد کی تھی۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button

پاکستان میں کرونا وائرس کی صورت حال

گھر پر رہیں|محفوظ رہیں