بینولنٹ فنڈ کی یکمشت گرانٹ پالیسی میں بڑی تبدیلی کا فیصلہ کرلیا گیا
ذرائع کا کہنا ہے کہ حکومت نے سرکاری ملازمین کے لیے بینولنٹ فنڈ کی یکمشت گرانٹ کی ادائیگی پالیسی میں اہم تبدیلی کا فیصلہ کر لیا ہے
اس ضمن میں حکام نے قائمہ کمیٹی کو تفصیلی بریفنگ دی، مجوزہ پالیسی کے مطابق ریٹائرمنٹ پر گریڈ 1 تا 10 کے ملازمین کو 5 لاکھ روپے، گریڈ 11 تا 16 کے ملازمین کو 10 لاکھ روپے جبکہ گریڈ 17 اور اس سے اوپر کے افسران کو 15 لاکھ روپے یکمشت گرانٹ دینے کی تجویز دی گئی ہے۔
قائمہ کمیٹی نے نئی پالیسی کے ممکنہ مالی اثرات کا تفصیلی جائزہ لینے کے لیے بینولنٹ فنڈ حکام کو 90 دن کی مہلت دے دی ہے۔
کمیٹی نے ہدایت کی ہے کہ اس عرصے کے دوران فنڈ کی مالی استعداد، وسائل اور مستقبل کی ذمہ داریوں کا جامع تجزیہ پیش کیا جائے۔
حکام کا کہنا ہے کہ مجوزہ تبدیلی کا مقصد ریٹائر ہونے والے ملازمین کو بہتر مالی سہولت فراہم کرنا اور موجودہ مہنگائی کے تناظر میں ان کی معاونت کرنا ہے، حتمی منظوری مالی اثرات کے جائزے کے بعد دی جائے گی۔
