گورنمنٹ ولایت حسین کالج ملتان میں داخلے شروع ہوگئے
داخلہ کمیٹی کے کوآرڈینیٹر پروفیسر حماد الرحمان کا کہنا ہے کہ پرنسپل قاضی خالد کی سرپرستی میں کالج میں نئے پروگرام شروع کئے جارہے ہیں۔
رواں برس انٹرمیڈیٹ کے ساتھ ساتھ بی ایس پروگرامز اور ایسوسی ایٹ ڈگری پروگرامز میں داخلے شروع کئے گئے ہیں، بی ایس پروگرامز میں بی ایس فزکس، بی ایس انگلش، بی ایس اردو اور بی ایس اسلامیات میں داخلے ہوں گے جبکہ انٹرمیڈیٹ میں پری انجینئرنگ اورپری میڈیکل میں داخل جاری ہیں۔
ایسوسی ایٹ ڈگری پروگرام (سائنس) میں کیمسٹری، طبیعیات، بائیو کیمسٹری،شماریات،حیوانیات،جبکہ آرٹس میں معاشیات، تعلیم، سیاسیات، بین الاقوامی تعلقات، جسمانی تعلیم اور کھیل سائنسز، انگریزی، اردو اور اسلامیات میں داخلوں کےلئے درخواستیں طلب کی گئی ہیں۔
انہوں نے کہا کہ کالج میں بہترین سائنس لیبارٹریز موجود ہیں، محنتی ہونہار طلباء کیلئے سکالرشپ بھی رکھے گئے ہیں، پی ایچ ڈی و ایم فل ٹیچنگ فیکلٹی ہے جو وسیع تجربہ رکھتی ہے جبکہ غریب اور نادار طلباء کیلئے کتب یونیفارم بھی دی جائے گی ۔
