Paid ad
Breaking NewsSportsتازہ ترین

ٹیسٹ کرکٹ میں ہیٹرک کی تاریخ، بھارت زیادہ کھیل کر بھی پاکستان سے پیچھے

ٹیسٹ کرکٹ میں ہیٹ ٹرک کا ریکارڈ بھارت زیادہ کھیل کر بھی پاکستان سے بہت پیچھے ہے۔

ریکارڈز کے مطابق ٹیسٹ کرکٹ میں بھارت کی جتنی بھی طاقت ہو،اپنے بازو پر بگ تھری سمیت دیگر ممالک سے 3 سے لے کر 5 تک کے ٹیسٹ میچز کی سیریز کھیل کر پاکستان سے دو گنا ہرسال ٹیسٹ میچز ہج کیوں نہ کھیل لے لیکن بہت سے میدانوں میں وہ پاکستان سے پیچھے اور اس کے پلیئرز کی پرفارمنس کے سامنے ہیچ ہے۔

اب ٹیسٹ کرکٹ کی ہیٹ ٹرک کا باب ہی دیکھ لیں، پاکستان  کے 5 ویں کھلاڑی نے چھٹی ٹیسٹ ہیٹ ٹرک کی ہے۔

وسیم اکرم نے 2 بار جب کہ عبد الرزاق،محمد سمیع اور نسیم شاہ کے ساتھ اب پہلے اسپنر نعمان علی اس باب میںں شامل ہیں۔ٹیسٹ کرکٹ کی 48 ہیٹ ٹرکس میں 6 کا اعزاز پاکستان کو حاصل ہے۔

بھارت کہاں کھڑا ہے؟؟

قارئین کو یہ جان کر حیرت ہوگی کہ پاکستان کی ٹیسٹ تاریخ 1952 سے 2025 تک 73 سالہ بنتی ہے۔بھارت کی ٹیسٹ تاریخ 1932 سے شروع ہوتی ہے اور اس کی ٹیسٹ تاریخ پاکستان سے 20 برس زیادہ 93 سالہ پرانی ہے لیکن اس کے پاس ٹوٹل ہیٹ ٹرکس کی تعداد صرف 3 ہے۔

بنگلہ دیش،نیوزی لینڈ،سری لنکا اور جنوبی افریقا کی جانب سے 2 کھلاڑیوں کی 2 ہیٹ ٹرکس ہیں۔زمبابوے کی جانب سے ایک ہے۔ویسٹ انڈیز کی جانب سے 4 کھلاڑیوں نے 4 ہیٹ ٹرکس کیں۔لسٹ میں انگلینڈ کے 14 بائولرز 15 ہیٹ ٹرکس کرچکے ہیں۔انگلینڈ کا پہلا نمبر ہے۔آسٹریلیا کے 9 بائولرز11 ہیٹ ٹرکس کے ساتھ دوسرے نمبر پر ہیں۔

وسیم اکرم۔پہلی ہیٹ ٹرک۔ کالوویتھرانا، بندارتلیکے، وکرماسنگھے پاکستان بمقابلہ  سری لنکا لاہور 1998-99

وسیم اکرم۔دوسری ہیٹ ٹرک۔ گناوردنے، واس، جے وردھنے پاکستان بمقابلہ  سری لنکا، ڈھاکہ 1998-99

عبدالرزاق۔تیسری ہیٹ ٹرک۔ کالوویتھرانا، ہیراتھ، پشپاکمارا پاکستان  بمقابلہ سری لنکا گالے 1999-2000

محمد سمیع ۔چوتھی ہیٹ ٹرک۔فرنینڈو، زوئیسا، مرلی دھرن پاکستان بمقابلہ  سری لنکا،لاہور 2001-02

نسیم شاہ ۔پانچویں ہیٹ ٹرک۔شانتو، تیجول، محمود اللہ پاکستان بمقابلہ  بنگلہ دیش، راولپنڈی2020۔

نعمان علی،چھٹی ہیٹ ٹرک۔جسٹن گریوز، ٹیون املاچ اور کیون سنکلیئر۔پاکستان بمقابلہ ویسٹ انڈیز،ملتان۔2025

بھارت کی جانب سے اب تک کی تیسری و آخری ہیٹ ٹرک کو چھٹا سال لگ گیا۔

2019 میں جسپریت بمراہ نے ویسٹ انڈیز کے خلاف  سبینا پارک کنگسٹن میں ہیٹ ٹرک بنائی تھی۔نیشنل سٹیڈیم کراچی میں بھارت کے عرفان پٹھان نے 2006 میں پاکستان کے خلاف جب ہیٹ ٹرک کی تو یہ کسی بھی بھارتی گیند باز کی دوسری ہیٹ ٹرک تھی۔

مارچ 2001 میں بھارت کے اسپنر ہربھجن سنگھ نے ایڈن گارڈن کولکتہ میں آسٹریلیا کے خلاف جب ہیٹ ٹرک کی تو یہ بھارت کی ٹیسٹ کرکٹ کی تاریخ کی پہلی ہیٹ ٹرک تھی۔

کوئی بائولر 2 بار ہیٹ ٹرک نہیں کرسکا،بھارت نے جب پہلی ہیٹ ٹرک کی،اس وقت تک پاکستان 3 ہیٹ ٹرک کرچکا تھا۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button