پاکستان سپر لیگ سیزن 10 کی منفرد اور چمچاتی ٹرافی "دی لومینارا” ملتان پہنچ گئی
دنیا کرکٹ کی مقبول ترین لیگز میں شامل پاکستان سپر لیگ کے دسویں سیزن کا میلہ 11 اپریل سے شروع ہوگا اور 18 مئی تک جاری رہے گا۔
دی لومینارا ٹرافی کا سفر 14 مارچ کو حیدر آباد سے شروع ہوا تھا جو روشنیوں کے شہر کراچی اور زندہ دل والوں کے شہر لاہور سے ہوتے ہوئے تاریخی شہر ملتان پہنچ گیا۔
ٹرافی کی رونمائی سب سے پہلے شاہ رکن عالم دربار بھی کی گئی، جہاں ایک گھنٹے تک شہری ٹرافی کے ساتھ تصاویر بناتے رہے۔
بعد ازاں ٹرافی کو ملتان سٹیڈیم لایا گیا جہاں درجنوں بچوں اور خواتین نے ٹرافی کے ساتھ تصاویر بنوائیں۔
ٹرافی آج لودھراں میں آمنہ پبلک سکول اور ترین کرکٹ اکیڈمی میں نمائش کےلئے رکھی جائے گی، جس کے بعد ٹرافی بہاولپور جائے گی۔
رواں برس ٹرافی کو 10 کلو چاندی کی مضبوط شیٹ سے تیار کیا گیا جس پر 22 ہزار 850 زرقون نگ جڑے گئے ہیں، اس پر 10 ویں ایڈیشن کے اعتبار سے ایکس کا نشان بھی بنایا گیا ہے۔
