گرمی کی چھٹیوں میں ہیڈ ٹیچر کو سکول حاضر رہنے کا پابند کردیا گیا

محکمہ سکولز نے ہدایت جاری کی ہے کہ آج 10 جون سے سکولوں کی انسپکشن ہوگی ، سکول سے غیر حاضری پر متعلقہ سکول سربراہان کیخلاف کارروائی ہوگی۔

حکام کا کہنا ہے کہ ٹریول الاونس کی مد میں سکول ہیڈز کو ہر ماہ معاوضوں کی ادائیگی کی جاتی ہے، صفائی سمیت ڈینگی تدارک کیلئے اقدامات سکول ہیڈز کی ذمہ داری ہے، چھٹیوں میں بچوں کا داخلہ کرنے کی ذمہ داری بھی سکول ہیڈز کے ہی ذمہ ہے ۔