ایل ایل بی کیس سینڈیکیٹ میں پیش کرنے کی ہدایت
ہائیر ایجوکیشنل کمیشن نے ایل ایل بی کیسز کو سینڈیکیٹ میں جلد پیش کرنے کی ہدایت کردی۔
تفصیل کے مطابق عدالت عظمیٰ کے احکامات کی روشنی میں ایل ایل بی کیس کی حوالے سے بڑا اجلاس ہائیر ایجوکیشن کمیشن کے چیئرمین کی صدارت میں ہوا، جس میں یونیورسٹیوں کے وائس چانسلرز ، بار کونسل کے نمائندے، لیگل ایجوکیشن کے نمائندوں نے شرکت کی۔
اجلاس میں کیسز کاجائزہ لیا گیا اور تمام یونیورسٹیوں کے سربراہوں کو ہدایت کی گئی کہ وہ اس معاملے کو فوری سینڈیکیٹ میں لیکر جائیں اور رپورٹ عدالت میں جمع کروائیں ۔
ذرائع کا کہنا ہے کہ زکریا یونیورسٹی کے دوسرے اور تیسرے سال کے وہ طلباء جن کی تصدیق ہوچکی ہے ان کو فوری طور سٹڈی سنٹر میں رجسٹرڈ کرنے کی بھی تجویز دی گئی تاہم دیگر طلباء کے کیسز کو سینڈیکیٹ کے فیصلے سے مشروط کردیا گیا۔
امکان ہے یونیورسٹی رواں ہفتے سینڈیکیٹ کا اجلاس طلب کرلے ۔
