ترقی پانے والے گیارہ اساتذہ کی ایڈجسٹمنٹ کے لیے ٹرانسفر پورٹل کھول دیا گیا
محکمہ ہائیر ایجوکیشن ڈیپارٹمنٹ پنجاب نے ایڈجسٹمنٹ کے لیے کھول دیا ہے۔
یہ صرف گیارہ افراد کے لیے کھولا گیا ہے، جن میں گریڈ سترہ سے اٹھارہ میں ترقی پانے والے دو میل لیکچررز، دو خواتین لائبریرین، گریڈ انیس سے بیس میں ترقی پانے والی دو خواتین ایسوسی ایٹ پروفیسر جبکہ کامرس ایجوکیشن سے گریڈ اٹھارہ سے گریڈ انیس میں ترقی پانے والے پانچ سینئر انسٹرکٹرز شامل ہیں۔
ذرائع کا کہنا ہے کہ یہ افراد مشروط طور پر پرموٹ ہوئے اور ضروری کاغذات کی فراہمی کے بعد ان کی پرموشن کے منٹس کلیر ہوئے اور پوسٹنگ کے مرحلے میں شامل ہوئے ان کو ایک شیڈول دیا جس کے تحت گزشتہ روز تین جولائی کو نئے پرموٹ ہونے والوں کے سٹیٹس کو اپ ڈیٹ کردیا گیا اور ای پورٹل ریکارڈ جاری کر دیا جائے گا۔
چار جولائی سے سات جولائی تک تمام متعلقین بذریعہ موبائل اپلیکیشن درخواستیں دیں گے، آٹھ جولائی کو سیس ویب سائٹ اور موبائل اپلیکیشن پر میرٹ لسٹ لگا دی جائے گ، نو سے گیارہ جولائی تک اعتراضات دور کیے جائیں گے، 14 جولائی کو پوسٹنگ آرڈرز جاری ہوں گے اور پندرہ جولائی تک جوائن کرنا ہوگا۔
