ہائیر ایجوکیشن ڈیپارٹمنٹ نے سرکاری کالجز کے طلباء کے لیے نئی ہدایات جاری کر دیں

نوٹیفکیشن کے مطابق دو یا زائد مضامین میں “ایف” گریڈ لینے والے طلباء کے داخلے بورڈ کو نہیں بھیجے جائیں گے۔

امتحانات میں غیر حاضری کی صورت میں فی پرچہ 200 روپے جرمانہ عائد کیا جائے گا جبکہ ماہانہ ٹیسٹ میں غیر حاضری پر فی پرچہ 100 روپے جرمانہ مقرر کیا گیا ہے۔ بغیر میڈیکل سرٹیفکیٹ کے امتحان سے غیر حاضری کی صورت میں طالبعلم کو فیل تصور کیا جائے گا۔

محکمہ تعلیم نے واضح کیا ہے کہ صوبے کے تمام سرکاری کالجز میں ماہانہ، دسمبر اور پری بورڈ امتحانات میں شرکت لازمی قرار دی گئی ہے تاکہ تعلیمی نظم و ضبط بہتر بنایا جا سکے۔