زکریا یونیورسٹی میں ہونہار سکالر شپ کے لئے انٹرویو شروع
سی ایم ہونہار سکالر شپ کےلئے عارضی شارٹ لسٹ پنجاب ایچ ای سی نے جاری کردی ہے، جس کے بعد یونیورسٹی کے سکالر شپ برانچ نے تمام چیئرمین/چیئرپرسن/ڈائریکٹر/پرنسپل/سربراہ/ٹی ہر ایک انچارج، شعبہ/انسٹی ٹیوٹ/سینٹر/کانسٹیچونٹ کالج کو مراسلہ ارسال کیا ہے کہ پنجاب ہائیر ایجوکیشن کمیشن نے "وزیر اعلیٰ ہونہار انڈر گریجویٹ اسکالرشپ پروجیکٹ” کے لیے درخواست دہندگان کی عارضی میرٹ لسٹ فراہم کی ہے۔
معیاری آپریٹنگ طریقہ کار کے مطابق ہر شارٹ لسٹ شدہ درخواست دہندہ کو انٹرویو اور دستاویزات کی تصدیق کے لیے ادارہ جاتی کمیٹی کے سامنے پیش ہونا پڑتا ہے، ایچ ای سی نے یونیورسٹی انتظامیہ کو ہدایت کی ہے کہ انٹرویو کے طریقہ کار کو جلد از جلد اور اولین ترجیح پر مکمل کیا جائے۔
اس تناظر میں اپنے شعبوں ک تمام طلباء و طالبات کو ہدایت کریں کہ وہ فیکلٹی آف فارمیسی میں کمیٹی کے سامنے انٹرویو اور تصدیق کے لیے مقررہ تاریخ اور وقت پر دستاویزات کے ساتھ پیش ہوں، ہر طالب علم کو امیدوار کا اصل شناختی کارڈ،درخواست فارم کی ہارڈ کاپی، آخری سمسٹر کے ادا شدہ فیس واؤچر کی کاپی، آخری سمسٹر کے رزلٹ کارڈ کی کاپی، پچھلے مہینے کا بجلی اور گیس کا بل، ڈومیسائل کی کاپی، پی ایچ ای سی کی طرف سے فراہم کردہ فارمیٹ پر ای سٹیمپ پیپر پر حلف نامہ بھی آن لائن پورٹل پر درخواست کے ساتھ گواہ اور والد/سرپرست کے شناختی کارڈ کی کاپی کے ساتھ اپ لوڈ کریں۔
واضح رہے کہ ہر درخواست دہندہ کے لیے انٹرویو اور دستاویزات کی تصدیق کے لیے کمیٹی کے سامنے حاضر ہونا لازمی ہے، بصورت دیگر درخواست مسترد کردی جائے گی ۔
