کیمسٹری میں ایسوسی ایٹ، بیچلرز اور ماسٹر ڈگری پروگرامز کے لیے اپ ڈیٹ شدہ نصاب متعارف
ہائیر ایجوکیشن کمیشن (ایچ ای سی) نے کیمسٹری میں ایسوسی ایٹ، بیچلرز اور ماسٹر ڈگری پروگرامز کے لیے اپ ڈیٹ شدہ نصاب متعارف کرایا ہے، جس میں تعلیمی معیار کو بہتر بنانے اور تعلیم کو جدید صنعت اور تحقیقی ضروریات کے ساتھ ہم آہنگ کرنے کے لیے نمایاں اضافہ شامل کیا گیا ہے۔
ملک بھر کی یونیورسٹیوں کے سینئر ماہرین تعلیم پر مشتمل نیشنل کریکلم ریویو کمیٹی کے تیار کردہ نظر ثانی شدہ معیارات کا اعلان کردیا گیا۔ اس سے قبل ایچ ای سی نے سیاسیات، اسلامیات، ریموٹ سینسنگ اور جی آئی ایس، اور فن تعمیر کے لیے جدید نصاب جاری کیا تھا۔
گورنمنٹ کالج یونیورسٹی لاہور کے پروفیسر ڈاکٹر محمد اطہر عباسی کی سربراہی میں کمیٹی نے اس بات کو یقینی بنانے کے لیے ایک جامع جائزہ لیا کہ نصاب آج کی علم پر مبنی دنیا میں مطابقت رکھتا ہے۔
ایچ ای سی کے اکیڈمکس ڈویژن کے ڈائریکٹر جنرل ڈاکٹر امجد حسین نے اس شعبے میں ابھرتی ہوئی ٹیکنالوجیز کو مربوط کرنے میں کلیدی کردار ادا کیا، نئے فریم ورک کے تحت، کیمسٹری میں ایسوسی ایٹ ڈگری کے لیے کم از کم 71 کریڈٹ آورز کی ضرورت ہوتی ہے، جبکہ بی ایس کیمسٹری پروگرام 137 کریڈٹ آورز کو لازمی قرار دیتا ہے، جو طلباء کو ایک مضبوط تعلیمی بنیاد فراہم کرتا ہے۔
بی ایس کیمسٹری کے تازہ ترین نصاب کی ایک اہم خصوصیت 14 تخصصات کا تعارف ہے، ان میں زرعی کیمسٹری تجزیاتی کیمسٹری، بائیو کیمسٹری، کمپیوٹیشنل کیمسٹری، ماحولیاتی کیمسٹری، فرانزک کیمسٹری ایندھن کی کیمسٹری، صنعتی کیمسٹری، غیر نامیاتی کیمسٹری، نامیاتی کیمسٹری، فارماسیوٹیکل کیمسٹری، فزیکل کیمسٹری، پولر اور میٹریل کیمسٹری کی ہر تخصص سات انتخابی کورسز پر مشتمل ہوتا ہے۔
عملی سیکھنے کو بڑھانے کے لیے، بی ایس کیمسٹری کے اپ ڈیٹ کردہ نصاب میں اب ایک زیر نگرانی انٹرنشپ اور ایک کیپ اسٹون پروجیکٹ کی ضرورت ہے، ہر ایک میں تین کریڈٹ گھنٹے ہوتے ہیں، تاکہ طلباء کو تجربہ اور ضروری تحقیق اور مسئلہ حل کرنے کی مہارتوں سے آراستہ کیا جا سکے۔
تاہم اس ضرورت کا اطلاق ایسوسی ایٹ ڈگری پروگرام پر نہیں ہوتا ہے۔ایم ایس کیمسٹری کے لیے، نظر ثانی شدہ ڈھانچے میں دو بنیادی کورسز، چھ انتخابی، اور ایک لازمی تحقیقی مقالہ شامل ہے۔
یونیورسٹیوں کے پاس فیکلٹی کی مہارت اور دستیاب تعلیمی وسائل کی بنیاد پر انتخابی کورسز ڈیزائن کرنے کی لچک ہوگی یونیورسٹیاں تفصیلی نصاب اور کورس کے مواد کا تعین کریں گی، تعلیمی سختی کو برقرار رکھتے ہوئے صنعت کے رجحانات کے مطابق موافقت کو یقینی بنائیں گی۔
ایچ ای سی نے باضابطہ طور پر یونیورسٹیوں پر زور دیا ہے کہ وہ تمام اداروں میں مستقل مزاجی اور معیار کو یقینی بنانے کے لیے فوری طور پر اپ ڈیٹ شدہ نصاب کو اپنا لیں۔
اجلاس میں عبدالولی خان یونیورسٹی، زکریا یونیورسٹی، بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز، کوئٹہ کامسیٹس یونیورسٹی اسلام آباد، ایبٹ آباد کیمپس گوورنمنٹ امبالہ مسلم گریجویٹ کالج سرگودھا، گورنمنٹ کالج یونیورسٹی فیصل آباد، گورنمنٹ کالج یونیورسٹی لاہور، بین الاقوامی اسلامی یونیورسٹی، اسلام آباد، این ای ڈی یونیورسٹی آف انجینئرنگ اینڈ ٹیکنالوجی، کراچی ،قائداعظم یونیورسٹی اسلام آبادیونیورسٹی آف آزاد جموں و کشمیر، مظفرآباد ۔
یونیورسٹی آف بلوچستان، کوئٹہ یونیورسٹی آف سینٹرل پنجاب، لاہورجامعہ کراچی، کراچی یونیورسٹی آف مینجمنٹ اینڈ ٹیکنالوجی، لاہورپشاور یونیورسٹی، پشاورجامعہ سندھ، جامشورو پنجاب یونیورسٹی، لاہور کے نمائندے شریک ہوئے ۔
