غیر قانونی بھانہ شہر سے باہر منتقل کرنے کا حکم

کمشنر ملتان ڈویژن ڈاکٹر ارشاد احمد نے شہری حدود میں غیر قانونی بھانہ جات کا نوٹس لیتے ہوئے ضلعی انتظامیہ اور کارپوریشن کو بھانہ جات شہر سے باہر منتقل کرنے کا حکم دے دیا۔

اس سلسلے میں ڈویژن میں متعلقہ محکموں نے متعدد کارروائیوں کے دوران 58 بھانہ جات شہر سے باہر منتقل کئے گئے۔

کمشنر ڈاکٹر ارشاد احمد نے کہا کہ ڈویژن میں متعلقہ محکمے تمام بھانہ جات کی انسپکشن کرکے رپورٹ پیش کریں۔شہری حدود میں بھانہ جات بارے متعدد شکایات موصول ہوئی ہیں۔شہری حدود میں غیر قانونی بھانہ جات تعفن، گندگی اور بیماریوں کا سبب بنتے ہیں اور واسا کا سیورج سسٹم بند ہوجاتا تھا۔

بھانہ مالکان کو وارننگ دیکر بھانہ جات منتقل کئے گئے۔شہری حدودمیں رہ جانے والے بھانہ جات کو نوٹس بھجوائے جائیں , اور پھر سربمہر کیے جائیں۔