انسٹی ٹیوٹ آف فزکس کا بورڈ آف سٹڈیز کا اجلاس
زکریا یونیورسٹی کے انسٹی ٹیوٹ آف فزکس کے بورڈ آف سٹڈیز کے اجلاس میں تمام ایجنڈا آئٹمز متفقہ طور پر منظور کرلئے گئے۔
بتایا گیا ہے کہ زکریا یونیورسٹی ملتان کے انسٹی ٹیوٹ آف فزکس میں بورڈ آف سٹڈیز کا اجلاس کی صدارت انسٹی ٹیوٹ کے ڈائریکٹر اور ڈین فیکلٹی آف سائنسز پروفیسر ڈاکٹر جاوید احمد نے کی۔
اجلاس میں پروفیسر ڈاکٹر محمد نعیم انجم، ڈاکٹر عبد الشکور، ڈاکٹر نیاز احمد نیاز، ڈاکٹر فیاض حسین، ڈاکٹر محمد جنید اقبال خان، ڈاکٹر محمد نعمان عثمانی، ڈاکٹر رانا محمد عارف خلیل (تمام ایسوسی ایٹ پروفیسرز، انسٹی ٹیوٹ آف فزکس)، اور گورنمنٹ کالج خانیوال کے شعبہ فزکس کے سربراہ ڈاکٹر کامران نے شرکت کی۔
اجلاس میں بی ایس فزکس پروگرام کے کریڈٹ آورز میں ترامیم، پاکستان اسٹڈی کو دو کریڈٹ آورز کے کورس کے طور پر شامل کرنے، بی ایس میڈیکل فزکس، بی ایس کوانٹم کمپیوٹنگ و الیکٹرانکس، اور ایسوسی ایٹ ڈگری ریڈیالوجیکل فزکس کے پروگرامز کی اسکیم آف اسٹڈی، کورس کنٹینٹ اور کورس کوڈز کی منظوری دی گئی۔
اس کے علاوہ ایم فل/پی ایچ ڈی تھیسز کی جانچ کے لیے ریویورز اور ممتحن حضرات کی فہرست منظور کی گئی جبکہ ایک پی ایچ ڈی اسکالر کی رجسٹریشن کی منسوخی کی بھی منظوری دی گئی۔
