انٹر سکول کرکٹ چیمپئن شپ جنوبی پنجاب کا آغاز
محکمہ ایجوکیشن اور جنوبی پنجاب کرکٹ ایسوسی ایشن کے زیر اہتمام انٹر سکول کرکٹ چیمپئن شپ جنوبی پنجاب کا آغاز کردیا گیا ۔
اس سلسلے میں سیکرٹری ایجوکیشن جنوبی پنجاب ڈاکٹر احتشام انور نے گزشتہ روز ٹورنامنٹ کا افتتاح کیا۔
اسسٹنٹ کمشنر سٹی خواجہ عمیر محمود،چیئرمین جنوبی پنجاب کرکٹ ایسوسی ایشن خواجہ محمد انیس اور سی ای او ایجوکیشن شمشیر خان بھی اس موجود تھے۔
سیکرٹری ایجوکیشن جنوبی پنجاب احتشام انور نے کہا کہ جنوبی پنجاب کرکٹ ایسوسی ایشن کے تحت ایم سی سی گراؤنڈ میں میلہ سجایا گیا ہے۔
غیر نصابی سرگرمیوں کا مقصد طلباء کی صلاحتیوں کو نکھارنا ہے۔ڈاکٹر احتشام انور نے بتایا کہ تعلیمی اداروں کے مابین مثبت مقابلے کا رجحان پیدا کررہے ہیں اس لئے جنوبی پنجاب کے تمام اضلاع میں کرکٹ میلہ کرائیں گے۔
تقریب سےچیئرمین ایس پی سی اے خواجہ انیس اور سی ای او ایجوکیشن شمشیر خان نے بھی خطاب کیا۔