انٹر یونیورسٹی کنسوریشم فار دی پروموشن آف سوشل سائنسز پاکستان کی طرف سے زکریا یونیورسٹی کےلئے کھیلوں کے سامان کا تحفہ

بہاء الدین زکریابیونیورسٹی ملتان کے ڈائریکٹوریٹ آف سٹوڈنٹس افیئرز کے لیے انٹر یونیورسٹی کنسوریشم فار دی پرموشن آف سوشل سائنسز پاکستان کے نیشنل کوآرڈینیٹر محمد مرتضی نور نے ڈی ایس اے آفس کے ماتحت چلنے والی سٹوڈنٹس سوسائٹیز کے لیے کھیلوں ، آڈیو وڈیو ، سائونڈ سسٹم کا جدید سامان وائس چانسلر پروفیسر ڈاکٹر منصور اکبر کنڈی کے حوالے کیا۔

اس موقعہ پر ڈائریکٹر سٹوڈنٹس افیئرز ڈاکٹر فواد رسول ، ڈین پروفیسر ڈاکٹر محمد عزیر، ڈاکٹر انیس بھی موجود تھے۔

وائس چانسلر نے محمد مرتضیٰ نور کی کاوش کو سراہا، اور کہا کہ اس سے طلباء طالبات میں کھیلوں کی سرگرمیوں کو فروغ ملے گا۔