ویمن یونیورسٹی کے شعبہ میتھ کے زیر اہتمام دوسری دو روزہ انٹرنیشنل کانفرنس آج سے شروع ہوگی

ترجمان کے مطابق دوسری دو روزہ کانفرنس ہائبرڈ موڈ پر منعقد کی جائے گی، جس کا عنوان’’ پائیدار مستقبل کےلئے میتھ‘‘رکھا گیا، جس کی مہمان خصوصی وائس چانسلر پروفیسر ڈاکٹر کلثوم پراچہ ہوں گی جبکہ چیف آرگنائرز پروفیسر ڈاکٹر قمر رباب اور فوکل پرسن ڈاکٹر ظل شمس ہوں گی۔

کانفرنس میں سابق وائس چانسلر ڈاکٹر عظمیٰ قریشی ، پنجاب یونیورسٹی کے وائس چانسلر اور ممبر سینڈیکیٹ ڈاکٹر محمد علی شاہ ،ایمرسن یونیورسٹی کے وائس چانسلر ڈاکٹر محمد رمضان ، انجینئرنگ یونیورسٹی کے وائس چانسلر ڈاکٹر کامران خصوصی شرکت کریں گے۔

کانفرنس میں پروفیسر ڈاکٹر کولوا رونی ڈوگل اسکول یونیورسٹی آف سینٹ اینڈریوز، برطانیہ،پروفیسر ڈاکٹر سٹیفنی وین ولیگنبریونیورسٹی آفبرٹش کولمبیا، کینیڈا ہائبرڈ موڈ میں کانفرنس میں خطاب کریں گی۔