ملتان میں معذوروں کے کھیلوں کے عالمی دن کے موقعہ پر تقریب
بہائالدین زکریایونیورسٹی ملتان کے وائس چانسلر پروفیسر ڈاکٹر منصور اکبر کنڈی نے کہاہے کہ سپیشل چلڈرن ہمارے معاشرے کا خاص حصہ ہیں، انہیں کسی بھی طور پر نظر انداز نہیں کیاجاسکتا ۔
بہاء الدین زکریایونیورسٹی ملتان میں معذوروں کے کھیلو ں کے عالمی دن کے موقعہ پر کہکشاں ایجوکیشنل انسٹی ٹیوٹ کے زیراہتمام منعقدہ تقریب سے خطاب کرتے ہوئے وائس چانسلر نے مزید کہاکہ اللہ تعالی بینائی ، گویائی ،اور بصارت سے محروم بچوں کو خداداد صلاحیتں عطا کی ہیں، اور جتنا ٹیلنٹ ان بچوں میں ہے وہ اور بچوں میں نہیں ہوتا۔
انہو ں نے کہاکہ سپیشل چلڈرن ہمارا لازمی جزو ہیں ان کا ہر حال میں خیال ہم سب کا فرض ہے۔
اس موقعہ پر سپیشل بچوں نے وائس چانسلر کو سلامی پیش کی اور ملی نغمے بھی پیش کیے گئے۔ تقریب کے آخر میں وائس چانسلر نے ہونہار طلباء کے مابین انعامات تقسیم کیے۔
اس موقعہ پر سابق ایم پی اے مجتبی گیلانی ، پروفیسرڈاکٹر خالد خورشید ، پرنسپل کہکشاں ایجوکیشنل انسٹی ٹیوٹ و دیگر اساتذہ کرام موجود تھے۔