انضمام الحق نے بابر اعظم کو عہد کا "بڑا کھلاڑی” قرار دے دیا

قومی ٹیم کے سابق کپتان انضمام الحق نے دعویٰ کیا ہے کہ بابر اعظم موجودہ عہد کا بڑا کھلاڑی ہے۔

ملتان سٹیڈیم میں پریس کانفرنس کے دوران انہوں نے کہا کہ ہردور میں ایک بڑا کھلاڑی ہوتا ہے ، اس سے قبل پاکستان میں محمد یوسف اور یونس خان تھے ، وہ سٹائلش کھلاڑی تھے اور دونوں نے اپنے دور میں خوب نام کمایا، محنتی بھی تھے۔

بابر اعظم ان سے اس لحاظ سے الگ ہے کہ اس کا پورا فوکس اپنے کھیل پر ہے، بہت محنت کرتا ہے، اور گیم کو امپرو کرنے کی کوشش کرتا ہے۔

اس لئے میں اس کو موجودہ دور کا بڑا کھلاڑی سمجھتا ہوں ، امید کرتا ہوں وہ دنیا کے تمام ریکارڈ توڑے گا۔