Breaking NewsNationalتازہ ترین

رانا ثناء اللہ کی گرفتاری : اسلام آباد پولیس کا عدالتی حکم ماننے سے انکار

وفاقی وزیر داخلہ رانا ثناء اللہ کے خلاف چارسو بیسی کے مقدمے میں عدالت کی جانب سے ناقابل ضمانت وارنٹ گرفتاری کے معاملے پر اسلام آباد تھانہ سیکٹریٹ پولیس نے عدالتی حکم مانے سے انکار کر دیا ہے۔

راولپنڈی کے سینیئر سول جج کرمنل ڈویژن ماڈل ٹرائل کورٹ غلام اکبر نے وفاقی وزیر داخلہ رانا ثناءاللہ کی ناقابل ضمانت وارنٹ گرفتاری جاری کیے ہیں، رانا ثناء اللہ پر 420، 471، 109، 467، 468اور دیگر دفعات کے تحت اینٹی کرپشن سیل کو مطوب ہے۔

اینٹی کرپشن حکام نے عدالت کو بتایا تھا کہ رانا ثناءاللہ کی گرفتاری درکار ہے ، کیونکہ رانا ثناءاللہ تفتیش میں تعاون نہیں کر رہا ہے، جس کے بعد عدالت نے رانا ثنا اللہ کی ناقابل ضمانت وارنٹ گرفتاری جاری کیے۔

بعد ازاں پنجاب پولیس اور اینٹی کرپشن سیل ان کی گرفتاری کے لیے راولپنڈی سے اسلام آباد تھانہ سیکٹریٹ پہنچے ، اس دوران وہ ایک گھنٹے تک پنجاب پولیس اور اینٹی کرپشن کے ڈپٹی ڈائریکٹر وارنٹ گرفتاری کے دستاویزات لے کر تھانے میں بیٹھے رہے۔

ڈپٹی ڈائریکٹر اینٹی کرپشن نے میڈیا کو بتایا کہ عدالت کے حکم پر راولپنڈی پولیس اور اینٹی کرپشن ٹیم نے عدالتی احکامات کی تعمیل کرانے کے لئے متعلقہ تھانہ سیکٹریٹ آئے تھے۔

انہوں نے بتایا کہ پولیس ضابطے کے مطابق مقامی پولیس کو اطلاع دے کر رانا ثناءاللہ کی گرفتاری کے احکامات پر عمل کرنا تھا، جس کیلیے ڈپٹی ڈائریکٹر اینٹی کرپشن ٹیم نے گرفتاری کے لئے عدالتی حکم کے لئے تعمیل کرانے کے لئے معونت طلب کی۔

ڈپٹی ڈائریکٹر اینٹی کرپشن کا کہنا تھا کہ رانا ثناءاللہ کی گرفتاری کے لئے قانونی تقاضے پورے ہیں، عدالتی حکم ہے کہ رانا ثنا االلہ کو گرفتار کرکے عدالت پیش کریں، جس کیلئے تھانہ سیکٹریٹ نے کوئی تعاون نہیں کیا۔

ان کا مزید کہنا تھا کہ تھانہ سیکٹریٹ نے اینٹی کرپشن ٹیم کی آمد اور روانگی بھی روزنامچہ میں درج نہیں کی، تھانہ سیکٹریٹ حکام کو چاہئے تھا کہ عدالتی حکم پر عمل درآمد کراتے۔

انہوں نے مزید کہا کہ اس کیس میں تھانہ سیکرٹریٹ کے اہلکاروں کے کردار کے حوالے سے عدالت کو آئندہ سماعت پر تفصیل سے آگاہ کریں گے، تھانہ سیکٹریٹ حکام نے عدالت کی حکم عدولی کی۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

پاکستان میں کرونا وائرس کی صورت حال

گھر پر رہیں|محفوظ رہیں